Saturday, April 21, 2012

பிடிக்கும் ...



பின்னிரவு தூங்கி 
அதிகாலை எழும்ப 
பிடிக்கும் ...

பாவக்காய் வாயில் வைத்து 
கசப்பை கண் மூடி ருசிக்க 
பிடிக்கும் ...

சந்தோஷ கீற்றை அசைபோடுகையில் 
சோக ராகம் கேட்க 
பிடிக்கும் ...

வெற்றுவானில் இல்லை என 
தெரிந்தும் பிறைநிலவை தேட 
பிடிக்கும் ...


அமைதியாய் பேசுகையில் 
சத்தமாய் சிரிக்க 
பிடிக்கும் ...

தூக்கம் தொலைத்து 
புத்தகத்தில் தொலைய 
பிடிக்கும் ...

முடி முளைக்க தொடங்கும்
மொட்டை தலையை வருட 
பிடிக்கும் ...

எழுத்தாளனின் வரிகளில் கிறங்கி 
வழியும் கண்ணீர் 
பிடிக்கும் ...


கால்மேல் கால் போட்டு 
திமிராய் அமர 
பிடிக்கும்...

பகிர முடியாததை 
கவிதையில் வடிக்க 
பிடிக்கும் ...


ஓரடி இடைவெளியில் 
நடக்கும் காதலர்களை பார்க்க 
பிடிக்கும் ...


அடித்த அன்னையையே 
கட்டிபிடித்து அழும் குழந்தை 
பிடிக்கும் ...


பிடிக்காததை சட்டென்றும்  
பிடித்ததை யோசித்து சொல்லும் மனம் 
பிடிக்கும் ...

Related Posts Plugin for WordPress, Blogger...

உங்கள தானுங்க ...


இங்கே வந்து சென்றதற்கான கால்தடத்தை(COMMENTS) விட்டு செல்லுங்கள் ...

அதுவே என் கவிதைகளுக்கான கெளரவம் ...!!!